'Paano kakain ang tao?': Ilang taga-'NCR Plus' bubble problemado kung palalawigin ang ECQ

Hindi madali ang pinagdadaanan ng pamilya ni Socorro Cabaes ngayong may COVID-19 pandemic. 

Nahinto sa trabaho sa pabrika ang kaniyang anak, at bukod sa araw-araw na pagkain, kailangan din ni Cabaes ng pang-maintenance na gamot. 

Dahil dito pagkakasyahin nila ang P3,000 ayuda na nakuha ngayong Sabado. 

"Nagkakaproblema rin kasi wala nang trabaho. Ang government, magbigay din sila ng tulong sa atin kasi hindi na nga makapagtrabaho," ani Cabaes. 

Nakatanggap din ng ayuda si Joey Magtira, residente ng Quezon City, pero hindi umano ito sasapat sa pagkain at gamot niya. 

"E-extend mo, paano kakain ng tao? Paano lalabas? Walang pera, walang trabaho. Puwedeng sa bahay lang eh, pero asan ang pera?” ani Magtira. 

Sa patuloy na pagdami ng kaso ng COVID-19 sa bansa, kinakabahan din sina Jovelyn Bautista at John Robert San Pedro dahil baka mahawa sila at ang mga kaanak ng COVID-19. 

Kahit parehong naka-work from home, lumalabas pa rin sila paminsan-minsan para mamili ng mga pangangailangan. 

Punuan na ang mga ospital at karamihan sa mga isolation center, kaya ang tanong nila: saan sila pupunta kapag nagkaroon ng sakit? 

"'Yun ang kinakatakot namin, di namin alam kung magagamot ba kami o hindi. Mahirap magtiwala ngayon sa gobyerno, sa totoo lang," ani Bautista. 

"Sa mga nasa tent, paano ka gagaling kung ang kasama mo sa isang lugar ay COVID patients din. Mahirap ang sitwasyon natin," ani San Pedro. 

Sabi ni Health Undersecretary Maria Rosario Vergeire na hindi pa ramdam sa ngayon ang epekto ng ipinapatupad na enhanced community quarantine sa "NCR Plus" bubble. 

"Ang COVID-19 has an incubation period na 14 days. So yung epekto ng mga ginagawa natin, hindi pa natin nakikita sa mga kasong ito. Katulad ng ginawa natin noong July at August na two weeks na ECQ, 10 days after, tsaka natin nakitang bumaba ang kaso, and about 3-4 weeks after, tsaka na-decongest ang mga ospital," ani Vergeire. 

Inimungkahi naman ng OCTA Research Group na palawigin pa nang isa pang linggo ang ECQ. Ayon sa grupo, bumaba na sa 1.23 ang reproduction number sa NCR o ang bilang ng mga taong nahahawa ng isang positibong pasyente. 

Gayunman, mataas pa rin ang hospital utilization, positivity rate, at mga kaso ng COVID-19. 

"The best in terms of public health and hospitals ang primary consideration natin, ang recommendation natin is i-extend ang ECQ para mapababa natin ang reproduction number to less than 1. Kung hindi naman kakayanin, ang middle ground would be an MECQ, mas gradual na easing siya," ani OCTA Research Fellow Guido David. 

Sang-ayon dito si Department of the Interior and Local Government officer in charge Bernardo Florece. 

"So probably, another week would be enough, pero at the end of the day, ang nagdedebate diyan, members ng IATF at inaaral talaga kung ano ang rekomendasyon, babase pa rin tayo sa data available," ani Florece. 

Magtatagal hanggang Abril 11 sa ngayon ang ECQ sa NCR Plus. Pinag-aaralan pa ng pandemic task force kung ano ang magiging quarantine classifications.

-- Ulat ni Bianca Dava, ABS-CBN News

https://news.abs-cbn.com/news/04/10/21/paano-kakain-ang-tao-ilang-taga-ncr-plus-bubble-problemado-kung-palalawigin-ang-ecq

30 bahay nasunog sa Tatalon, Quezon City

May 60 pamilya ang apektado nang masunog ang 30 bahay sa Brgy. Tatalon, Quezon City nitong Sabado ng hapon.

Pasado alas-tres ng hapon nang sumiklab ang sunog sa sa Cluster 5, Kaliraya Street sa Brgy. Tatalon.

Ayon kay Sr. Insp. Karl Aerole Rojales ng Bureau of Fire Protection (BFP)-QC, nagmula ang sunog sa bahay ni Florinda Paiste kung saan unang may naamoy lang na tila nasusunog na kable ng kuryente. Nang patayin daw nila ang master switch ay bigla na lang may pumutok saka may umapoy. 

"Nakita ko usok pa lang tapos tumakbo na ako nakita ko may apoy na. Medyo malakas na sya kasi yung usok iba na, itim na," ani Fidel Fajardo, asa sa mga residente.

Agad nagtakbuhan palabas ng bahay ang mga residente at hindi na nakapagsalba ng gamit. Mabilis kumalat ang apoy dahil malakas umano ang hangin. Dikit-dikit din ang mga bahay dito na karamihan ay gawa sa light materials. 

"Bigla kaming umakyat sa taas kasi narinig namin may nagsabing may sunog. Tumakbo po pababa tapos naghakot po kami," sabi ni Marvin Tanales na muntik masama sa mga nasunugan.

Umabot sa third alarm ang sunog pero bandang 4:11 ng hapon idineklarang "fire out" ang sunog.

Pansamantalang mananatili sa Light House Baptist Church sa Brgy Tatalon ang mga apektadong pamilya.

Tinatayang aabot sa higit P450,000 ang halaga ng mga nasunog na ari-arian. Wala naman nasaktan o namatay sa insidente.

https://news.abs-cbn.com/news/04/10/21/30-bahay-nasunog-sa-tatalon-quezon-city

Bigayan ng 'ECQ ayuda' sa Las Piñas, 500 katao kada araw lang sa bawat barangay

 Umarangkada na nitong Biyernes ang pamamahagi ng cash assistance para sa 124,435 residente ng Las Piñas na kasama sa ilalim ng Enhanced Community Quarantine (ECQ) sa "NCR Plus" bubble. 

Inaasahang matataggap nila ito hanggang sa katapusan ng buwan, ayon sa mga awtoridad. Pero nasa 10,000 katao lang ang pinapila sa mga distribution centers sa 20 barangay sa lungsod noong Biyernes.

Nasa 500 katao lamang ang bibigyan ng ayuda kada barangay, kada araw para daw maiwasan ang pagdagsa ng mga tao, ayon sa lokal na pamahalaan ng siyudad.

Inaalam muna kung nasa listahan ang residente ng makatatanggap ng ayuda bago papasukin sa paaralan. Inuuna ang mga senior citizens at persons with disabilities (PWD). 

Maaga namang pumila sa Almanza Elementary School ang ilang mga residente sa Barangay Almanza Uno para makatanggap ng financial assistance. 

Kasama na rito ang 77-anyos na si Nelia Mendoza, na pumila sa labas ng Almanza Elementary School sa Bgy. Almanza Uno, Las Piñas alas-6 pa lang ng umaga noong Biyernes.

Dahil senior citizen at PWD, pinapasok agad si Mendoza sa eskuwelahan.

Ngunit sa huli, hinatid siya pauwi nang walang dalang pera.

Hindi pala kasi siya kasama sa batch ng mga makatatanggap ng ayuda sa araw na iyon.

Sabi ng barangay, susunduin na lang siya sa susunod.

Malaking tulong sana kay Mendoza ang matatanggap na pera. 

“Wala akong kabuhayan, walang sumusuporta po. Pensyon lang ang inaasahan ko,” aniya. 

“Hirap na hirap ako ngayon lalong nag-iisa ako sa kubo ko, kailangan ko ang tulong.”

Inilathala sa social media accounts ng Las Piñas City social welfare department (CSWD) at ng mga barangay ang listahan ng mga tatanggap ng ayuda para maabisuhan ang mga residente.

Nagpadala rin ng text sa mga naka-schedule ang ilang barangay.

May mga residente sa ibang barangay naman na nabigong makakuha ng ayuda dahil inakalang unang 500 tao na dumating ang bibigyan ng ayuda imbes na ang naka-schedule.

Sa Almanza Uno, sinikap na masunod ang physical distancing sa labas ng paaralan.

Mano-manong inalam muna kung kasama ang tao sa listahan ng batch saka papasukin.

Ayon kay Kagawad Alfredo Medina, ginawang isang lokasyon kada barangay ang pamamahagi ng ayuda imbes na bahay-bahay para sentralisado ito lalo’t mga tauhan mula sa CSWD ang nangunguna ng mismong pamimigay ng pera.

Ipagkakasiya ng dating kasambahay na si Josephine Aguilar, 36, ang nakuhang P4,000 para sa anim na anak.

Natigil ang pamamasukan niya noong nagsimula ang pandemya kaya umaasa siya sa mga ayuda ng pamahalaan.

Hinihintay pa rin niyang makuha ang ikalawang tranche mula sa Social Amelioration Program (SAP) na inilabas noong 2020 pa.

“Fino-follow-up po namin, ang sabi ng munisipyo, nasa barangay na po. Ang sabi naman po ng barangay sa amin po, nasa DSWD pa rin daw po kaya antay-antay lang po kami,” sabi niya.

“Isang taon na mahigit. Matagal na po, ‘yon lang ang inaasahan namin.”

Sabi ng barangay, nakatakda nang ipamahagi ang SAP 2 para sa mga residente nila sa kalagitnaan ng Abril.

Aabisuhin pa kung sa anong paraan ito ipamimigay.

Walong oras kada araw ang inilaan ng mga barangay para sa pamamahagi ng ECQ ayuda o hanggang matapos mabigyan ang lahat ng nakalista.

Ayon kay Paul San Miguel ng Las Piñas City Public Information Office, kung makita nilang maagang natatapos ang pamimigay sa naka-schedule na 500 tao, posibleng magsabay na ng ibang batch basta’t nasusunod ang health and safety protocols sa lugar.

Nagpabuo na rin ang lokal na pamahalaan ng mga grievance and appeals committee sa city at barangay level na malalapitan ng mga benepisyaryo.

https://news.abs-cbn.com/news/04/10/21/bigayan-ng-ecq-ayuda-sa-las-pias-500-katao-kada-araw-lang-sa-bawat-barangay

DILG exec favors another week of ECQ in NCR Plus

The two-week hard lockdown in Metro Manila and four nearby provinces may not be enough to stem the spread of COVID-19, an official of the Department of the Interior and Local Government (DILG) said Saturday.

DILG officer-in-charge Bernardo Florece Jr. said the Inter-Agency Task Force (IATF) on COVID-19 response is set to meet Saturday to discuss the lockdown status of the areas collectively known as NCR Plus under the 2-week enhanced community quarantine.

The ECQ period is set to end on April 11 and government is expected to make an announcement on quarantine levels later Saturday.

“Almost 2 weeks na tayo pero ‘di pa natin ganap na nararamdaman 'yung epekto nito so probably another week will be enough," Florece said in an interview on TeleRadyo.

"Pero at the end of the day, of course ang nagde-debate dyan members ng IATF at inaaral talaga kung ano ang rekomendasyon pero babase talaga sa available data sa science. 'Yun ang pinagbabasehan ng IATF,” he said.

(Almost 2 weeks, but we have yet to feel the effects so probably another week will be enough. But, at the end of the day, it is the members of the IATF who will debate on it, and will study what to recommend based on available science data.) 

OCTA Research Group fellow Dr. Guido David had also recommended extending ECQ in NCR Plus to bring down the number of infections.

David had said that the reproduction rate in the bubble has gone down to 1.24, from Wednesday’s 1.43.

Florece said this figure should go lower. 

“Dapat bumaba na 'yung reproduction number at kulang na rin ang naoospital at namamatay. Ito 'yung lahat na pinag-aaralan, meron naman tayong mga eksperto dito na nagre-recommend sa IATF,” said Florece. 

(The reproduction number should go down as well as the number of those hospitalized and the deaths. These are all being studied and we have experts that recommend to the IATF.)

On Friday, the Philippines reported a record-high 401 COVID-19 deaths, more than half of which have been reclassified, with active infections reaching an all-time high at over 178,000.

https://news.abs-cbn.com/news/04/10/21/dilg-exec-favors-another-week-of-ecq-in-ncr-plus