Patay ang isang 62 na ayos na lalaki na driver ng isang catering service matapos pagbabarilin sa Brgy. Holy Spirit sa Quezon City nitong Martes.
Kinilala ang biktima na si Lito Vidania, driver ng Red Spider Catering Services.
Ayon sa anak ng biktima, papunta dapat sa Divisoria umaga ng Martes si Vidania kasama ang kanyang amo, pero nasira raw ang kanilang sasakyan. Kaya umuwi na lang muna siya para mananghalian.
Umalis aniya si Vidania para ayusin ang kaniyang sasakyan.
Pero, pasado alas-3 ng hapon ay pinagababaril ito sa Sta. Monica Street sa nasabing barangay at agad namatay.
Agad umano tumakas ang gunman sakay ng motorsiklo.
Nakabulagta sa loob ng sasakyan sa driver’s side and biktima.
Base sa inisyal na imbestigasyon, 3 basyo ng bala ang nakita sa crime scene, ayon kay Staff Sgt. Jofrancis Burawes, imbestigador ng QCPD Station 14.
Inaalam pa ng pulisya kung nahagip ng mga CCTV camera ang pamamaril. — Wheng Hidalgo, ABS-CBN News
https://news.abs-cbn.com/news/11/10/20/62-anyos-driver-patay-pamamaril-quezon-city
No comments:
Post a Comment